Pageblug
Ora enggal purna
Pageblug kang ditandhang bantala
Pirang-pirang sasi wis kalampah
Tan suda kepara sansaya nambah
Jagad mawut
Bumi pertiwi melu-melu semrawut
Ewonan nyawa oncat saka raga
Menawa dadi tumbal
Saka serakahing manungsa
Prasetya kang Katutup
Potret lawasmu minangka panglipur
Nalikane rasamu wis kokgawa mabur
Klawuning mega mbarengi tetesing tirta
Pangangenku ngumbara ing pucuking arga
Rasa kapang wis ginelar ing lembaran dluwang
Maniking ati tansah anggodha
Dhi, apa atimu isih katutup saka prasetya?
Praptamu ing ngarep netraku
Mung kanggo ngasatake luhku
Ditulis oleh Rezky Soffan Hadi
